නිර්මාණකරුවනි ඔබත් එන්න

බ්ලොග් නොලියන නිර්මාණ කරන ඔබටයි මේ ආරාදනය. ඔබේ නිර්මාණයත් ahasenenna@gmail.com වෙත එවන්න. නිසැකවම ඔබටත් ඉඩක් ලැබෙනු ඇත. ඔබේ කවි, කතා, ලිපි ඇතුලු ඕනෑම නිර්මාණයක් බාර ගනු ලැබේ.
ස්තුතී
කසුන් නයනජිත්

25 March, 2016

මනමේ කුමරියගේ පාපොච්චාරණය





වනේ වන සතුරෙකුට කිසි දින නොවේවා මා විඳි දුක,
අනේ මනමේ කුමරු මැරුවයි මා කලා හැම දෙන සැක,
බනේ කියනා මිනිස් මුවඟට නැගෙන නින්දා වදනක,
මගේ අසරනකම නොගෑවී ඇයිද අවමන් දී දුක,

මා පියාණන් මගෙ හදවත මිනිස් කමිනුත් පුරවලා,
රුවින් අගතැන් මගේ මනස ද නුවණින් ද අග තැන් කලා,
රූසිරින් යුතු දනුදර වූ කුමරු සරණෙහි පාවලා,
පිටත් කෙරුවේ සැප විඳින්නයි අප දෙදෙන බරනැස බලා,

මෙතෙක් කලකට දෙමව්පියනගෙ සෙනෙහසින් ඈතට නොවී,
මනස සසලයි නුහුරු ලොවකට පිය නැගුව බව මතක් වී,
කුමරු දනුදර සෑම මොහොතක මගේ ලඟ හිඳ නොසෙල්වී,
සසල මනසට නුරා පෙම් රස මට ගෙනාවා තුරුල් වී,

තේජසින් නම් සැබෑවකි ඔහු පුරුෂයෙකි එඩිබල ඇති,
දඩ මසින් පිර වූ කදකි ලඟ වැද්දෙකිය රුචියක් නැති,
මගේ දනුදර කුමරු අබියස වන සතෙකි ඔහු එඩි නැති,
ඉදින් මස් වැද්දෙකුට මා හද පුදනු කුමට ද සිත  නැති.

උගේ එඩි බල නොමැති කලකදි මගෙන් අසිපත උදුරලා,
නොදේ ඉහිලුම් මගේ කුමරුගෙ කඳෙන් හිස  ඔහු වෙන් කලා,
ඉදින් නුඹලා චපල ගැහැණියකයැයි මට දොස් පවරලා,
මුළු ලොවට කෑගසා සැනෙකින් මට හුඟක් අවමන් කලා,

නිර්මාණය: ඉෂානි ප්‍රදීපිකා